Regluleg hreyfing bæði verndar gegn ýmsum andlegum og líkamlegum kvillum og bætir líðan. Hreyfing er hluti af heilbrigðu líferni og því ættu allar konur að hreyfa sig reglulega á meðgöngu. Regluleg hreyfing við hæfi hefur jákvæð áhrif fyrir móður og barn á meðgöngu, í fæðingu og eftir fæðingu og margt bendir til þess að hún dragi úr ýmsum fylgikvillum meðgöngu:
- Bætir blóðflæði og súrefnisflutning hjá móður og barni
- Bætir hitastjórnun líkamans
- Viðheldur eða eykur orku
- Dregur úr þreytu
- Dregur úr bakverkjum
- Dregur úr líkum á hægðatregðu
- Minnkar líkur á æðahnútum
- Minnkar líkur á bjúgsöfnun
- Minnkar líkur á streitu
- Minnkar líkur á kvíða
- Minnkar líkur á þunglyndi
- Bætir svefn
- Konur í góðri þjálfun þola betur það líkamlega álag sem fylgir fæðingunni og barnið nýtur gjóðs af því.
