Gildi hreyfingar - meðganga

Regluleg hreyfing bæði verndar gegn ýmsum andlegum og líkamlegum kvillum og bætir líðan. Hreyfing er hluti af heilbrigðu líferni og því ættu allar konur að hreyfa sig reglulega á meðgöngu. Regluleg hreyfing við hæfi hefur jákvæð áhrif fyrir móður og barn á meðgöngu, í fæðingu og eftir fæðingu og margt bendir til þess að hún dragi úr ýmsum fylgikvillum meðgöngu:

  • Bætir blóðflæði og súrefnisflutning hjá verðandi móður og til barnsins
  • Bætir hitastjórnun líkamans
  • Viðheldur eða eykur orku/dregur úr þreytu
  • Kemur í veg fyrir bakverki/dregur úr bakverkjum
  • Kemur í veg fyrir hægðatregðu/bætir hægðatregðu
  • Minnkar líkur á æðahnútum/dregur úr æðahnútum 
  • Minnkar líkur á bjúgsöfnun/dregur úr bjúgsöfnun
  • Minnkar líkur á streitu/dregur úr streitu
  • Minnkar líkur á kvíða/dregur úr kvíða
  • Minnkar líkur á þunglyndi/dregur úr þunglyndi
  • Bætir svefn 
  • Konur í góðri þjálfun þola betur það líkamlega álag sem fylgir fæðingunni
  • Börnin njóta líka góðs af og er talið að þau geti m.a. þolað fæðinguna betur