Bólga í blöðruhálskirtli (e. prostatitis) getur komið fyrirvaralítið hjá þeim sem hafa kirtilinn. Blöðruhálskirtill er lítill kirtill sem liggur á milli getnaðarlims og þvagblöðru. Hlutverk hans er að framleiða sáðvökva sem nærir og verndar sáðfrumur.
Einkenni
Helstu einkenni:
- Verkir, óþægindi eða sviði við að pissa
- Erfiðleikar við að pissa
- Þörf til að pissa oftar en venjulega
- Verkir í getnaðarlim, pung og/eða endaþarmi
- Verkir við sáðlát
- Hiti
Orsök
- Bakteríur sem komast upp þvagrásina og inn í blöðruhálskirtilinn valda oftast bráðri bólgu í kirtlinum
- Langvarandi bólga í kirtlinum getur komið án sýkingar og erfitt getur verið að finna orsökina
Meðferð
Bólga í blöðruhálskirtli er meðhöndluð með sýklalyfjum. Í flestum tilvikum lagast einkenni á innan við tveim vikum eftir að meðferð er hafin. Í sumum tilvikum getur þurft lengri meðferð.
Hvað get ég gert?
- Drekka ríkulega af vökva til að forðast ofþornun
- Taka parasetamól eða íbúprófen við verkjum. Fylgiseðla lyfja má finna á sérlyfjaskrá
- Klára sýklalyfjaskammtinn, hvort sem einkenni eru horfin eða ekki
Hvenær skal leita aðstoðar?
Leita til næstu heilsugæslu ef:
- Einkenni um bólgu í blöðruhálskirtli eru til staðar
- Ef meðferð skilar engum bata á 48 klukkustundum
Leita til bráðamóttöku ef:
- Þú getur ekki pissað
- Skyndilegt ruglástand
- Húðin er blá, grá, föl eða skellótt. Á dökkri húð er auðveldara að sjá þetta í lófum eða á iljum
- Erfiðleikar við öndun