Tölvuleikjaröskun

Hvað er tölvuleikjaröskun?

Tölvuleikjaröskun eða tölvuleikjafíkn er annað og meira en að nota net/tölvur í miklu mæli. Til að geta flokkast undir tölvuleikjaröskun verður notkunin að hafa skaðleg áhrif á fjölbreytta virkni einstaklingsins, s.s. fjölskyldulíf, félagslíf, skóla og/eða starf. Einkennin þurfa jafnframt að hafa verið til staðar í a.m.k. 12 mánuði.

Verndandi þættir

Sterk sjálfsmynd, félagsleg færni og að líða vel í skólanum eru dæmi um verndandi þættir gegn tölvuleikjaröskun. Þá er það einnig talinn verndandi þáttur ef unglingar hafa stjórn á hegðun sinni í leiknum. Íþróttaiðkun og regluleg hreyfing eru einnig verndandi þættir.

Er ég haldin tölvuleikjaröskun?

Einungis lítill hluti fólks þróar með sér tölvuleikjaröskun/tölvuleikjafíkn. Hins vegar er mikilvægt að spá í þann tíma sem maður eyðir í tölvuleiki/netnotkun og hvaða áhrif notkunin hefur á aðrar athafnir daglegs lífs.

Ef þú hefur áhyggjur af tölvunotkun þinni getur þú skoðað þessar 7 spurningar hér á eftir. Ef þú svara þeim flestum eða öllum oft eða mjög oft skaltu leita þér aðstoðar.

Hversu oft síðustu 6-12 mánuðina:

 

  Mjög oft Oft Stundum Sjaldan Mjög sjaldan
Hugsaðir þú þér að spila tölvuleik allan daginn?          
Eyddir þú meiri og meiri tíma í tölvuleiki?          
Spilaðir þú tölvuleiki til að gleyma raunveruleikanum?          
Hafa aðrir reynt að minnka tölvuleikjanotkunina þína án árangurs?          
Hefur þér liðið illa þegar þú getur ekki spilað tölvuleik?          
Hefur þú lent í deilum við t.d. fjölskyldu/vini vegna tímans sem þú eyðir í tölvuleiki?          
Hefur þú sleppt öðrum hlutum (skóla, heimanámi, vinnu, íþróttaæfingum) til að spila tölvuleiki?          


Byggt á Game Addiction Scale for Adolescents, Lemmens, J.S. (2009).

Þessi grein var skrifuð þann 20. febrúar 2018

Síðast uppfært 25. júlí 2019