Hvað er tölvuleikjaröskun?
Tölvuleikjaröskun eða tölvuleikjafíkn er annað og meira en að nota net/tölvur í miklu mæli. Til að geta flokkast undir tölvuleikjaröskun verður notkunin að hafa skaðleg áhrif á fjölbreytta virkni einstaklingsins, s.s. fjölskyldulíf, félagslíf, skóla og/eða starf. Einkennin þurfa jafnframt að hafa verið til staðar í a.m.k. 12 mánuði.
Verndandi þættir
Sterk sjálfsmynd, félagsleg færni og að líða vel í skólanum eru dæmi um verndandi þættir gegn tölvuleikjaröskun. Einnig er það talinn verndandi þáttur ef unglingar hafa stjórn á hegðun sinni í leiknum. Þar að auki er íþróttaiðkun og regluleg hreyfing verndandi þættir.
Er ég haldin tölvuleikjaröskun?
Einungis lítill hluti fólks þróar með sér tölvuleikjaröskun/tölvuleikjafíkn. Hins vegar er mikilvægt að spá í þann tíma sem maður ver í tölvuleiki/netnotkun og hvaða áhrif notkunin hefur á aðrar athafnir daglegs lífs.
Ef þú hefur áhyggjur af tölvunotkun þinni getur þú skoðað þessar 7 spurningar hér á eftir. Ef þú svarar þeim flestum eða öllum með oft eða mjög oft, skaltu leita þér aðstoðar.
Hversu oft síðustu 6-12 mánuðina:
- Vildir þú spila tölvuleik allan daginn?
- Eyddir þú meiri og meiri tíma í tölvuleiki?
- Spilaðir þú tölvuleiki til að gleyma raunveruleikanum?
- Hafa aðrir reynt að minnka tölvuleikjanotkun þína án árangurs?
- Leið þér illa þegar þú gast ekki spilað tölvuleik?
- Lentir þú í deilum við t.d. fjölskyldu/vini vegna tímans sem þú varðir í tölvuleiki?
- Slepptir þú öðrum hlutum (skóla, heimanámi, vinnu, íþróttaæfingum) til að spila tölvuleiki?