Barkahósti (e. croup) kemur þegar raddböndin eða barkakýlið bólgnar upp. Hún er algeng hjá börnum á aldrinum 6 mánaða til 6 ára. Einkennin lagast vanalega á nokkrum dögum.
Lungun eru sitt hvorum megin í brjóstholinu. Við innöndun leiðir barkinn loft ofan í lungun. Barkinn skiptist í tvær berkjur sem síðan greinast í lungunum og enda loks í lungnablöðrum.
Einkenni
- Hósti sem oft er geltandi og þurr
- Kvef
- Hæsi
- Erfiða við innöndun
- Hvæsandi hljóð við innöndun
Börn geta einnig fengið hita, lystarleysi eða erfiðleika við öndun sem geta valdið hræðslu og vanlíðan.
Algengt er að barkahósti komi með kvefi.
Smitleiðir
Barkahósti er oftast af völdum kvefveira. Aðrar orsakir geta verið langvarandi hósti, ofnæmi eða bakflæði. Smitast með úðasmiti.
Greining
Greining er metin út frá einkennum.
Meðferð
Oftast er ekki þörf á sérhæfðri meðferð en ef einkenni eru slæm getur þurft að beita sterameðferð við barkahósta.
Hvað get ég gert?
- Drekka mikið af vökva
- Láta barnið sitja upprétt það minnkar einkennin
- Róa barnið og reyna að halda því rólegu
- Verkjalyf
Í sumum tilfellum hjálpar að anda að sér köldu lofti þó það hafi ekki verið staðfest með rannsóknum.
Hvenær skal leita aðstoðar?
Leita til heilsugæslu ef:
- Almenn einkenni fara ekki á tveimur vikum
- Miklir verkir eða erfiðleikar við að kyngja
- Endurtekin einkenni
Leita til bráðamóttöku ef:
- Barn á erfitt með öndun
- Áframhaldandi hvæsandi öndun og soghljóð þrátt fyrir að framfylgja ráðleggingum
- Ofsahræðsla hjá barni