Barkabólga (e. laryngitis) kemur þegar raddböndin eða barkakýlið bólgnar upp. Hún er algeng hjá 1 - 2 ára börnum og einkennin lagast vanalega á nokkrum dögum.
Einkenni
Börn geta einnig fengið hita, lystarleysi eða erfiðleika við öndun sem geta valdið hræðslu og vanlíðan.
Algengt er að barkabólga komi með kvefi.
Smitleiðir
Barkabólga er oftast af völdum kvefveira en einnig geta bakteríur leitt til sýkingar á þessu svæði og þá vanalega í kjölfar veirusýkingar. Aðrar orsakir geta verið langvarandi hósti, ofnæmi eða bakflæði.
Greining
Greining er metin út frá einkennum.
Meðferð
Oftast er ekki þörf á sérhæfðri meðferð en ef einkenni eru slæm getur þurft að beita sterameðferð við berkjubólgu.
Hvað get ég gert?
- Drekka mikið af vökva
- Hækka undir höfðagafli
- Verkjalyf
- Hóstasaft
- Hætta eða draga úr reykingum
Reykingar hafa slæm áhrif á barkabólgu og auka hættuna á að fá langvinna berkjubólgu og langvinna lungnateppu.
Hvenær skal leita aðstoðar?
Leita til heilsugæslu ef:
- Almenn einkenni fara ekki á tveimur vikum
- Miklir verkir eða erfiðleikar við að kyngja
- Endurtekin einkenni
Leita til bráðamóttöku ef:
- Barn á erfitt með öndun
- Áframhaldandi hvæsandi öndun og soghljóð þrátt fyrir að framfylgja ráðleggingum
- Ofsahræðsla hjá barni