Reglubundið eftirlit

Kaflar
Flokkur
Útgáfudagur

Reglubundið eftirlit eykur líkur á heilbrigði tanna.

Það er mjög einstaklingsbundið hversu oft fólk þarf að fara til tannlæknis í eftirlit. Það fer meðal annars eftir neyslumynstri fólks, ástandi tanna, tannhirðu og erfðum. Metið er í samstarfi við tannlækni hversu oft þarf að koma í eftirlit. Sumir þurfa að koma á 6 mánaða fresti á meðan öðrum dugar að koma á 2ja ára fresti. Þungaðar konur ættu að fara í eftirlit hjá tannlækni á meðgöngunni þar sem aukin áhætta er á tannskemmdum og tannholdsbólgum á meðgöngu. 

Í reglubundnu eftirliti eru oft teknar röntgenmyndir af tönnum til að leita að byrjandi skemmdum á milli tanna og skoða ástand tannbeinsins. Tannsteinn er gjarnan hreinsaður, borinn flúor á tennurnar og tannlæknirinn gefur góð ráð ef þörf er á. 

Var þetta efni hjálplegt?
Markmið vefsins er að veita upplýsingar um öll mál er varða heilsu. Allar ábendingar til að bæta vefinn eru vel þegnar.
Senda ábendingu til vefstjóra