Á ferðalögum getur verið gagnlegt að hafa meðferðis lyf sem geta hjálpað ef veikindi eða óhöpp verða.
Það er einstaklingsbundið hvaða lyf eru í ferðaapótekinu. Hver og einn þarf að meta það út frá heilsufari og persónulegum þörfum.
Óþarft er að taka með heilar pakkningar af lyfjum, oft dugar að taka eina þynnu úr pakkanum. Fylgiseðla lyfja má finna á Sérlyfjaskrá en einnig gæti veirð gott að taka fylgiseðil lyfs með. Sé lyfið lyfseðilsskylt er gott að hafa pakkningar lyfsins með þær sýna fram á lyfið sé fengið með löglegum hætti.
Hér er hugmynd að litlu ferðaapóteki
- Verkjastillandi- og hitalækkandi lyf
- Bólgueyðandi lyf (ef óhætt er fyrir þig að nota þau)
- Lyf gegn ferðaveiki (bíl-, sjó- eða hreyfiveiki)
- Ofnæmistöflur bæði fyrir þá sem hafa ofnæmi og aðra, ef óvænt viðbrögð koma upp
- Augndropar, ýmist vegna ofnæmiseinkenna eða þurrks
- Hálstöflur við þurrki og óþægindum í hálsi
- Nefúði/ dropar til að draga úr óþægindum í flugtaki og lendingu
- Freyðitöflur til að endurheimta vökva- og saltbúskap líkamans. Gagnlegt eftir:
- Niðurgang - hjá börnum - hjá fullorðnum
- Uppköst
- Sólsting
- Svitatap
- Hita - hjá börnum - hjá fullorðnum
- Lyf við hægðatregðu - hjá börnum - hjá fullorðnum
- Lyf til að stöðva niðurgang fyrir flug ef nauðsynlegt
- Krem til að nota við skordýrabiti
Gagnlegar upplýsingar um lyf á ferðalögum.