Húðnetjubólga (Cellulitis) ein tegund bakteríusýkingar í húð. Sýkingin nær ofan í dýpri lög húðarinnar og er því erfiðari viðfangs en margar aðrar húðsýkingar.
Algengustu sýkingavaldar eru bakteríurnar streptókokkar og stafýlókokkar. Þessar bakteríur eru vanalega hluti af eðlilegri bakteríuflóru húðarinnar en valda sýkingu þegar þær komast inn fyrir varnir líkamans. Algengast er að sjá húðnetjubólgu á útlimum líkamans.
Einkenni
- Bólga
- Hiti í húð
- Kláði
- Roði í húð
- Vessi
- Verkur
Áhættuþættir
- Veiklað ónæmiskerfi
- Sykursýki
- Æðasjúkdómur í útlimum
- Hjartasjúkdómar
- Bruni
- Sár, þar með talin sveppa- eða bakteríusýkingar milli tánna
- Aðgerðir
Greining
- Húðsýni/strok úr sári
- Í alvarlegri tilfellum er fengin blóðræktun úr viðkomandi til þess að komast að því um hvaða bakteríu er að ræða.
Meðferð
- Sýklalyfjameðferð. Oftast er byrjað á töflumeðferð.
- Í alvarlegri tilfellum húðnetjubólgu getur verið nauðsynlegt að hefja sýklalyfjameðferð í æð.
Forvarnir
- Auka blóðflæði líkamans t.d. með reglulegri hreyfingu
- Borða næringarríka og fjölbreytta fæðu og að halda þannig blóðsykri í skefjum
- Drekka vel af vökva
- Hafa húðina í góðu ástandi og nota góð rakakrem til þess að hugsa um rakastig húðar og þannig koma í veg fyrir rof á húð
- Nota skóbúnað í réttri stærð til að forðast sáramyndun
- Hirða vel um fætur t.d. með því að meðhöndla sveppasýkingar á fótum/tánöglum strax
Hvenær skal leita aðstoðar?
Ef einhverra ofantalinna einkenna eru til staðar ásamt flensulíkum einkennum líkt og háum líkamshita, kulda hrolli eða slappleika er ráðlagt að leita sér læknisaðstoðar samdægurs.
Finna næstu heilsugæslu hér.