Sjúkdómar dreifast ekki jafnt um heiminn. Þeir geta verið landlægir í ákveðnum löndum eða skotið upp kollinum fyrirvaralaust. Hægt er að bólusetja við ákveðnum sjúkdómum. Hvort ráðlegt sé að bólusetja fyrir ferðalag ræðst að fimm þáttum:
- Hvert er ferðast
- Hvað á að gera í ferðalaginu
- Á hvaða árstíma er ferðalagið
- Hversu lengi dvölin stendur yfir
- Hvaða bólusetningar viðkomandi hefur fengið áður
Á vef Alþjóðaheilbrigðismálastofnunarinnar er að finna ítarlegar upplýsingar um útbreiðslu þeirra sjúkdóma sem unnt er að bólusetja gegn.
Einstaklingar greiða sjálfir fyrir bólusetningar - Gjaldskrá bólusetninga.
Upplýsingar um bóluefni má finna hjá Sérlyfjaskrá.
Upplýsingar um smitsjúkdóma sem bólusett er gegn.
Ráðgjöf um bólusetningar fyrir ferðalög
Gott er að ráðfæra sig við fagfólk 2-3 mánuðum fyrir ferðalag til að meta hvort ástæða er til að bólusetja.
Heilsugæslustöðvar ráðleggja fólki um bólusetningar vegna ferðalaga.
Fólk sem skráð er á eftirfarandi stöðvum getur óskað eftir ráðgjöf í netspjalli hér á síðunni.
- Heilsugæslu höfuðborgarsvæðisins
- Heilbrigðisstofnunar Norðurlands
- Heilbrigðisstonfun Vestfjarða
- Heilbrigðisstofnunar Vesturlands
Ráðgjöf er veitt fyrir fullorðna og börn 2 ára og eldri. Fyrir yngri börn er ráðlagt að leita til sinnar heilsugæslustöðvar.
Staðlaðar spurningar koma um ferðalagið og bólusetningaráætlun kemur síðan inn á mínar síður á Heilsuveru eftir 3-10 virka daga.
Fólk fær tilkynningu þegar áætlunin er tilbúin. Við gerð á bólusetningaráætlun er meðal annars tekið til skoðunar fyrri bólusetningar og tímalengd dvalar.
Þegar fólk er komið með bólusetningarráðgjöf er hægt að mæta í Þönglabakka 1, 109 Reykjavík alla virka daga milli kl. 09:00-15:00 og fá bólusetningu hjá hjúkrunarfræðingi.
Frá og með 1. júlí til 6. ágúst 2025 verður móttakan í Þönglabakka 1 opin á milli frá kl.13:00 og 15:00