Geðorðin 10

Geðorðin 10 byggja á gagnreyndum aðferðum til að efla góða geðheilsu og auka vellíðan. Allt eru þetta atriði sem hver og einn getur tileinkað sér og æft sig í ævina á enda. Geðrækt er mikilvægur hluti heilsuræktar enda er engin heilsa án geðheilsu.

+ - Hugsaðu jákvætt, það er léttara
  • Jákvæð sýn á lífið er undirstaða vellíðanar
  • Þó hugsanir geti verið neikvæðar þarf ekki öll tilveran að vera það
  • Hægt er að hafa áhrif á líðan með hugarfarinu
+ - Hlúðu að því sem þér þykir vænt um
  • Ein mikilvægasta uppspretta hamingjunnar eru góð samskipti við aðra
  • Að hlúa að því sem okkur þykir vænt um snýst jafnt um ánægju og tilgang í lífinu
  • Það er gott að finna að einhver þarf á umhyggju manns að halda
+ - Haltu áfram að læra svo lengi sem þú lifir
  • Það eykur víðsýni og umburðarlyndi að geta tamið sér nýjungar
  • Löngun til að læra meira í dag en í gær stuðlar að persónulegum þroska
  • Með opnum huga verður auðveldara að sjá lausnir á vandamálum
+ - Lærðu af mistökum þínum
  • Enginn er fullkominn og öllum verða einhvern tíma á mistök
  • Oft er það mikilvægt skref í átt að velgengni að læra af eigin mistökum
  • Eitt af því sem greinir þá sem eru hamingjusamir frá þeim sem eru óhamingjusamir er viðhorf þeirra til eigin mistaka og mótlætis í lífinu
+ - Hreyfðu þig daglega, það léttir lund
  • Regluleg hreyfing er nauðsynleg fyrir geðheilsuna frá vöggu til grafar
  • Hreyfing dregur úr þunglyndi og kvíða og bætir andlega líðan
  • Regluleg hreyfing stuðlar að hamingjusömum efri árum
+ - Flæktu ekki líf þitt að óþörfu
  • Mikilvægt er að þekkja hvaða flækjur valda streitu og vanlíðan og forðast þær
  • Áhyggjur yfir því ókomna hjálpa ekki nema síður sé
  • Gott er að þjálfa sig í því að útiloka neikvæð áhrif frá umhverfinu
+ - Reyndu að skilja og hvetja aðra í kringum þig
  • Farsælt er að reyna að skilja af hverju fólk hagar sér eins og það gerir
  • Hlustum vel á aðra og grípum ekki fram í
  • Hrós og hvatning hafa góð áhrif á samskipti
+ - Gefstu ekki upp, velgengni í lífinu er langhlaup
  • Góðir hlutir gerast hægt
  • Það er mikilvægt að gefast ekki upp þó á móti blási
  • Velgengni í lífinu næst með því að taka á mótlætinu og leyfa því að þroska sig
+ - Finndu og ræktaðu hæfileika þína
  • Allir búa yfir einhverjum hæfileikum
  • Hver og einn þarf að finna og meta sína hæfileika og leyfa þeim að njóta sín
  • Eitt af lykilatriðum hamingjunnar er að hafa gaman af viðfangsefnum hversdagsins
+ - Settu þér markmið og láttu drauma þína rætast
  • Þeir ná lengra sem setja sér markmið
  • Markmið mega vera stór eða smá og ná til lengri eða skemmri tíma
  • Það er aldrei of seint að láta drauma sína rætast – en það gerist ekki nema unnið sé að því

Þessi grein var skrifuð þann 19. september 2016

Síðast uppfært 20. nóvember 2017