Eftir samfarir þar sem ekki var notuð getnaðarvörn er alltaf hætta á þungun. Minnka má líkurnar á þungun með því að taka neyðargetnaðarvörn sem inniheldur hormón. Neyðargetnaðarvörn fæst í apótekum án lyfseðils.
Nokkrar staðreyndir
Neyðargetnaðarvörn:
- Er notuð ef kynmök voru án getnaðarvarna eða getnaðarvörn brást.
- Þarf að taka sem fyrst eftir óvarin kynmök eða innan 72 klst (3 dagar). Því fyrr því betra.
- Er hægt að fá í næsta apóteki án lyfseðils.
- Veitir enga vörn gegn kynsjúkdómum.
- Á aðeins að nota í neyðartilfellum og kemur ekki í staðin fyrir notkun öruggra getnaðarvarna
Aukaverkanir
Algengt er að konur finni fyrir aukaverkunum við töku töflunnar. Þær algengustu eru:
- Ógleði
- Óreglulegar blæðingar fram a næstu blæðingum
- Verkir í neðra kviðarholi
- Þreyta
- Höfuðverk
- Svimi
- Eymsl í brjóstum
Ef kastað er upp innan 3ja klukkustunda eftir að taflan er tekin þarf að taka aðra töflu eins fljótt og hægt er.
Á fylgiseðli lyfsins getur þú lesið nánar um neyðargetnaðarvörnina.
Heilsugæsla höfuðborgarsvæðisins býður upp á netnámskeið um notkun getnaðarvarna. Skráning fer fram á heimasíðu Heilsugæslunnar.