Slysavarnir 0-5 mánaða

Höfuð ungbarna eru hlutfallslega stór og þung, því er meiri hætta á að þau lendi á höfðinu ef þau falla.

• Hafa þarf eftirlit með börnum á skiptiborði, hjónarúmi og sófum.
• Nota öryggisólar, s.s. í barnavagni og háum matarstólum.

Húð ungbarna er 15% þynnri en húð fullorðinna, því eru þau viðkvæmari fyrir bruna.

Helstu hættur:

• Heitir drykkir, ef haldið er á barni meðan drukkið er.
• Heitar matarslettur, ef haldið er á barni meðan eldað er við eldavél.
• Hitaður matur, athugið hitastigið þarf að vera 37°til að barnið brenni sig ekki.
• Baðvatn, kjörhitastig fyrir lítil börn er 37°
• Miðstöðvarofnar, ef rúm barns liggur upp við ofn, geta fætur/hendur rekist í hann.

• Nota léttar sængur og engan kodda fyrsta árið.
• Best er að leggja barnið til svefns á bakinu.
• Rúm og sængurföt fullorðinna auka hættu á köfnun. Einnig ef ungabörn eru látin sofa við hlið fullorðinna.
• Ungabörn á aldrei að skilja eftir á grjónapúða, í vatnsrúmi eða á brjóstagjafapúða.
• Ungabarn ætti aldrei að vera skilið eitt eftir með pela.
• Best er að fjarlægja reimar og bönd úr fatnaði svo þrengi ekki að hálsi barns.
• Barn má aldrei sofa með snuðkeðju né skartgripi.
• Gætið þess að gæludýr komist ekki í rúm barns.

• Öruggast er að hafa barnið í beisli frá fyrsta degi í barnavagninum. Sumir barnavagnar eru ekki með festingu fyrir beisli og því ekki hægt að festa barnið. Gott er að setja endurskinsmerki á vagninn.
• Þar sem barnavagnar uppfylla ekki kröfur um öruggt svefnumhverfi ættu ungabörn ekki að sofa eftirlitslaus úti. Barnavagnar eru aðeins til að flytja börn á milli staða. Barninu er óhætt að sofna í gönguferðinni þar sem það er undir stöðugu eftirliti á meðan á henni stendur.
• Flugnanet hindrar að kettir og skordýr komist að barninu. Setjið ekki þykk, lokuð teppi yfir vagnopið sem geta hindrað eðlileg loftskipti.
• Gott er að fylgjast reglulega með barninu meðan á útisvefni stendur.
• Ef notaður er magapoki er best að fylgja leiðbeiningum framleiðanda um rétta notkun hans til að tryggja öryggi barnsins.

• Fylgjast á með barni í baði allan tímann.
• Gott er að setja stama mottu í botn baðsins.
• Börn undir 12 ára aldri ættu ekki að gæta kornabarns í baði. Þau hafa ekki þroska til að bera þá ábyrgð.
• Baðsæti eru ekki öryggisbúnaður og því má aldrei líta af barni í slíkum búnaði. Þau má ekki nota fyrr en barnið hefur náð 6 mánaða aldri. Þægilegast er að fylgja leiðbeiningum framleiðanda um rétta notkun.

• Barn yngra en 1 árs ætti að snúa frá akstursstefnu (afturábak) því höfuð þess er þungt og hálsliðir viðkvæmir.
• Áður en stóllinn er keyptur er best að kanna hvort hann passi í þá bíla sem á að nota hann í. Ráðlagt er að nota einungis öryggisbúnað sem er viðurkenndur í Evrópu.
• Ungbarnabílstólar hafa mismunandi líftíma en best er að fylgja leiðbeiningum framleiðanda um hámarks notkunartíma. Kaupum ekki notaðan barnabílstól af ókunnugum.
• Ekki er gott að láta barn yngra en 6 mánaða sitja lengi í barnabílstól. Það reynir mikið á bak barnsins og getur í sumum tilfellum haft áhrif á öndunina.
• Gott er að barnið sé í fatnaði sem fellur þétt að líkamanum en ekki í of fyrirferðamiklum galla. Einungis ætti að vera hægt að koma 2 fingrum fyrir á milli barns og beltis.
• Barn á aldrei að skilja eftir eitt í bíl.

• Hér má sjá frekari leiðbeiningar um öryggi í svefnumhverfi barna.
• Nota ætti aðeins dýnuna sem fylgir vöggunni eða ungbarnarúminu til að tryggja öryggi barnsins. Dýnan þarf að passa og sitja þétt upp við rammann.
• Ungabarn á ávallt að liggja á bakinu og á flatri dýnu án upphækkunnar undir höfði þess.
• Börn ættu ekki að nota kodda fyrsta árið.
• Í vöggunni ætti aðeins að vera lak yfir dýnunni en ekki pissulak (lak sem er plastað öðru megin).
• Best er að fylgja leiðbeiningum framleiðanda um rétta notkun vöggunnar eða ungbarnarúmsins. Það skiptir máli þegar kemur að öryggi barnsins.
• Ungabörn eiga aldrei að sofa í rúmi fullorðinna en það er þeim hættulegt og getur valdið köfnun.
• Ungbarnahreiður standast ekki ströngustu kröfur um öryggi og því ættu þau aldrei að vera notuð.
• Ekki er nauðsynlegt að vera með stuðkannt en hann ætti aðeins að nota fyrstu 3-4 mánuðina. Einnig þyrfti að gæta þess að stuðkannturinn standist gildandi staðal EN16780.
• Best er fyrir börn að sofa í herbergi þar sem hitastigið er 18 til 20°C. Við val á sæng eða værðarpoka er gott taka mið af lengd barnsins og að hitagildið passi við svefnherbergishitann. Sænginn ætti að uppfylla gildandi staðal EN16779 en værðarpokinn EN16781.