Það þarf ekki að kosta mikið að styrkja vöðva líkamans og það þarf ekki heldur flókinn tækjabúnað. Hér eru myndbönd þar sem réttu tökin eru kennd.
Hverri styrktaræfingu fylgir teygjuæfing fyrir sömu vöðvahópa. Mælt er með því að endurtaka hverja styrktaræfingu 12 sinnum í senn, mest annan hvern dag. Mælt er með því að gera teygjuæfingarnar á eftir en þær má framkvæma daglega ef fólk vill.
Oftast eru nokkrar miserfiðar útfærslur af hverri æfingu svo ráðlegt er að horfa á myndbandið til enda og velja svo það sem hentar hverjum og einum.
Æfingateygju eins og þá sem sjá má í myndböndunum má fá í íþróttavörubúðum.