Þegar tóbaksnotkun er hætt getur líkaminn mótmælt því harðlega að fá ekki nikótínið sitt. Algengt er þegar tóbaksnotkun er hætt að fólk upplifi slæm fráhvarfseinkenni. Þessi einkenni eru verst fyrstu 2-3 dagana eftir að tóbaksnotkun er hætt. Eftir 2 til 4 vikur eru óþægindin nánast alltaf alveg horfin.
Algeng fráhvarfseinkenni eru:
- Pirringur og ofstopi
- Depurð
- Kvíði
- Eirðarleysi og órói
- Einbeitingarleysi
- Svitaköst
- Svefnleysi og svefntruflanir
Einnig er þekkt að fólk fái handskjálfta þegar tóbaksnotkun er hætt en það er ekki eins algengt og það sem að ofan greinir.
Hægt er að óska eftir meðferð og stuðningi við að hætta tóbaksnotkun á netspjalli hér á síðunni og í síma 5131700. Biðtími er 2 til 3 virkir dagar.
Hegðun hefur mest áhrif á lífsgæði og líðan að erfðum undanskildum. Sjáðu hvernig staðan er hjá þér.
