Í mannlegum samskiptum koma oft upp ágreiningsmál. Það er eðlilegt og af hinu góða en mikilvægt er að temja sér að geta rætt málin án þess að allt fari í háaloft. Gott er að hafa eftirfarandi í huga:
- Halda ró þinni – yfirvegun og rósemi skilar oftast bestum árangri
- Spyrja spurninga – opinskáar og hreinskilningslegar spurningar hjálpa þér að skilja betur stöðu mála. Draga ekki ályktanir í flýti.
- Útskýra skoðun þína og tilfinningar – benda á hvað það er í þessu ágreiningsmáli sem kemur þér í uppnám ef um það er að ræða. Nákvæmni og heiðarleiki í tjáningu hjálpar þér að útskýra fyrir þeim sem þú rökræðir við.
- Nota setningar sem byrja á „ég“ þegar þú tjáir tilfinningar þínar. Segðu „Ég verð eða ég upplifi (nefndu tilfinninguna) þegar þú (lýstu athöfninni).“ Dæmi; „ Ég finn fyrir reiði þegar þú hunsar mig af því að þá líður mér eins og þér sé alveg sama um mig.“ eða „Ég upplifi vonbrigði þegar þú bregst svona við því sem ég segi.“
- Stinga upp á lausn eftir að hafa fengið skýra mynd af stöðunni. Óska eftir því við viðmælanda að hann komi með tillögu að lausn. Finna saman leið sem hentar báðum aðilum.
- Ef ræða þarf erfið mál er best að gera það þegar báðir eru tilbúnir í það. Hægt er að vera sammála um að vera ósammála þar til rétta tækifærið gefst til að ræða málin í góðu tómi.
Umfjöllun um góð samskipti.