Berkjubólga (e. Bronchitis) er bólga í öndunarvegi lungna (berkjum) sem kemur oftast vegna veirusýkingar og gengur vanalega yfir án meðfeðrar á þremur vikum.
Langvarandi bólga í berkjum kallast krónísk berkjubólga (e. cronic bronchitis) og fellur undir langvinna lungnateppu.
Einkenni
Ef um bakteríusýkingu er að ræða fylgir einkennum oftast verkur í brjóstkassa sem versnar við öndun eða hósta, hiti >38.5°C og/eða litaður uppgangur.
Orsök
Oftast eru sömu veirurnar sem valda kvefi eða flensu orskök bráða berkjubólgu en stundum er orsökin bakteríusýking. Í báðum tilfellum, þegar líkaminn berst við sýklana, bólgna berkjurnar og aukin slímmyndun á sér stað.
Meðferð
Bráð berkjubólga lagast venjulega innan viku til 10 daga án meðferðar en hóstinn getur varað í þrjár vikur.
Sýklalyf eru notuð til meðferðar þegar grunur er um að bakteríusýking sé orsök berkjubólgu.
Önnur meðferð fer eftir einkennum, t.d. hita- og verkjastillandi lyf, hóstasaft eða slímlosandi freyðitöflur.
Hvenær skal leita aðstoðar?
Leitaðu til heilsugæslunnar ef:
- Hósti stendur yfir í meira en þrjár vikur
- Hiti >38.5°C í meira en þrjá daga
- Verkur er yfir brjóstkassa
- Litaður uppgangur
- Endurtekin einkenni
Leitaðu til bráðamóttökunnar ef:
- Öndunarerfiðleikar
- Blámi á vörum
- Skert meðvitund
Finna næstu heilsugæslu eða bráðamóttöku hér.
Hvað get ég gert?
- Drekka vel af vökva
- Hvíld
- Verkjalyf
- Hóstasaft
- Anda að sér heitri vatnsgufu
- Hækka undir höfðagafli
- Halda fyrir vit við hósta
- Reglulegur handvottur