Ráðleggingar - börn

Dagleg hreyfing er börnum og unglingum nauðsynleg fyrir eðlilegan vöxt, þroska og andlega vellíðan. Hreyfing við hæfi á að fela í sér skemmtilegan leik. Það skapar tækifæri til að þjálfa hreyfifærni, bæta líkamshreysti, eignast vini, auka félagslega færni, efla sjálfstraust og styrkja fjölskylduböndin. Jákvæð reynsla af hreyfingu á unga aldri eykur líkurnar á að fólk hreyfi sig á fullorðinsárum. 

Ráðleggingar

  • Hreyfingin ætti að vera eins fjölbreytt og mögulegt er. Það eflir flesta þætti líkamshreysti, þar á meðal afkastagetu lungna, hjarta og æðakerfis sem og vöðvastyrk, liðleika, viðbragð og samhæfingu.

  • Kröftug hreyfing, sem reynir á beinin, er sérstaklega mikilvæg fyrir og á kynþroskaskeiði fyrir beinmyndun og beinþéttni.

  • Börn og unglingar ættu ekki að verja meira en 2 klukkustundum daglega í afþreyingu sem fram fer á skjá. Hvort heldur sem um er að ræða snjalltæki, tölvu eða sjónvarp.

Þessi grein var skrifuð þann 06. október 2016

Síðast uppfært 14. ágúst 2017