Eldra fólk

Með hækkandi aldri verður erfiðara að takast á við afleiðingar erfiðra veikinda eins og influensu og lungnabólgu. Því er mælt með því að þeir sem náð hafa 60 ára aldri láti bólusetja sig gegn influensu og pnemókokkabakteríunni. 

Inflúensa

Inflúensu bóluefnið er skammvirkt og því þarf að bólusetja gegn henni árlega.

Pnemókokkabakterían

Bólusetja þarf á 5 ára fresti gegn pnemókokkabakteríunni. Hér má lesa nánar um hana og þá sjúkdóma sem hún veldur. Um leið og bólusett er fyrir inflúensu er rétt að láta skoða hvað er langt síðan síðasta pnemókokka bólusetning var gerð og viðhalda henni ef þörf er á.

Hvar er hægt að fá bólusetningu?

Boðið er upp á bólusetningar gegn influensu á haustin. Þú getur fengið allar bólusetningar sem þú þarft á þinni heilsugæslustöð. Sumar lyfjaverslanir bjóða einnig upp á bólusetningar og sum fyrirtæki kosta bólusetningar fyrir starfsmenn sína. 

Þessi grein var skrifuð þann 08. júní 2017

Síðast uppfært 09. ágúst 2017